სიყვარულის საიდუმლო

Abstract

პროფესორი გარი ჩაფიძე გვთავაზობს თავის ორმოცდაათტომეულის მეთერთმეტე ტომს, რომელშიც შესულია თხზულება „სიყვარულის საიდუმლო” და ორი დეტექტიური ჟანრის რომანი. „გადასახადი” – ამ რომანის შთაგონების წყარო ავტორისათვის გამხდარა ეპიგრაფში აღნიშნული ხალხური სიბრძნე. ნაწარმოები ისტორიულ–პოლიტიკურ და სოციალურ ასპექტებსაც მოიცავს და ამავე დროს შემეცნებითი ხასიათისაა. უამრავ საინტერესო ინფორმაციას აწვდის, ისტორიულ ფაქტებს აცნობს და კიდევ ერთხელ ჩააფიქრებს მკითხველს პოსტსაბჭოურ სივრცეში მომხდარი მოვლენების შესახებ. ამ მხრივ საინტერესოა თუნდაც რომანოვების ისტორია. „საგამომძიებლო ნათლობა” – ეს დეტექტიური ჟანრის რომანი გვიჩვენებს, რომ რაც მტკიცე არის, ის წმიდაა, და რაც წმიდაა ის – მტკიცე. სწორედ ამაზე მიუთითებს ნაწარმოების მთავარი გმირის მოქმედება, რომლისთვისაც მთავარი სიცოცხლის სიხარულია, სიყვარულია. მწერალი და მეცნიერი გარი ჩაფიძე თავისი შემოქმედებითი ხელოვნებით გულწრფელად ახერხებს ერთი ამოსუნთქვით წააკითხოს მკითხველს წინამდებარე წიგნი.