ბადრი კეთილაძე და გელა ღაჭავა

Abstract

ბადრი კეთილაძე - ფოტოგრაფი, ფოტოკორესპოდენტი. 1986 წლიდან აბტომშენებელ ქარხანაში ფოტოკორესპონდენტი, ამ პერიოდში სწავლობს დაუსწრებელ ფაკულტეტზე მოსკოვის ხელოვნების ინსტიტუტში. 1993 წლიდან მუშაობს სპორტულ გაზეთში „ბურთი და მოედანი“, „იმერეთის სპორტი“ და გაზეთებში „იმერეთი“ და „ახალი ქუთაისი“ ფოტოკორესპონდენტად. 1996 წელს საცხოვრებლად გადადის თბილისში, გაზეთ „სარბიელის“ მიწვევით. პარალელურად მუშაობდა ჟურნალ „სარბიელში“, ფ/კ „ამერში“, ჟურნალში „ათიანი“, სპორტის და ახალგაზრდობის დეპარტამენტში, მსოფლიო სპორტში. თანამშრომლობდა საერთაშორისო საინფორმაციო სააგენტოსთან, ოლიმპიურ კომიტეტთან, ფეხბურთის ფედერაციასთან, უეფას სააგენტოსთან, ჟურნალთან „ოლიმპიელი“. ლექციებს კითხულობდა ჯიპას უნივერსიტეტში ფოტოხელოვნების შესახებ. 2001 წელს აირჩიეს საქართველოს და საერთაშორისო სპორტულ ჟურნალისტთა ასოციაციის წევრად. 2011-2021 წლებში მუშაობდა ფ/კ. „დინამოში“. გაიმარჯვა მრავალ სპორტულ კონკურსში, მიღებული აქვს დიპლომები და ფულადი პრემიები. ორჯერ გახდა გურამ თიკანაძის პრემიის ლაურეატი. ბადრი კეთილაძის გარდაცვალების შემდეგ დაარსდა მისი სახელობის ყოველწლიური პრემია სპორტული ფოტოგრაფებისთვის. 2023 წელს ნოემბერში გამოიცა ფოტოალბომი, „ბადრი კეთილაძე“, სადაც თავმოყრილია მისი ნამუშევრების ნაწილი.