გიზო თავაძე, როსტომ ჩხეიძე, ელგუჯა მარღია, რეზო ჭეიშვილი

Abstract

ელგუჯა მარღია - ჟურნალისტი, მწერალი, მთარგმნელი, საზოგადო მოღვაწე. არის ექვსი პოეტური კრებულის და სამი ელექტრონული წიგნის ავტორი. მიღებული აქვს აფხაზეთის ა/რ განათლებისა და კულტურის სამინისტროს პირველი პრემია, მუხრან მაჭავარიანის სახელობის ლიტერატურული კონკურსის „პოეტური მინიატურების“ მეორე პრემია (2017 წ.). რევაზ (რეზო) ბენედიქტეს ძე ჭეიშვილი – მწერალი, დრამატურგი,სცენარისტი, საზოგადო მოღვაწე. წლების განმავლობაში იყო ალმანახ „საუნჯის“ და ჟურნალ „განთიადის“ მთავარი რედაქტორი, ქუთაისის ლადო მესხიშვილის სახელობის სახელმწიფო დრამატული თეატრის ხელმძღვანელი. 1984 წელს ქართულმა ფილმმა მწერლის ნაწარმოების მიხედვით გადაიღო ფილმი „ცისფერი მთები ანუ დაუჯერებელი ამბავი“, რისთვისაც რეზო ჭეიშვილს 1985 წელს სახელმწიფო პრემია მიენიჭა. რუსთაველის პრემიის ლაურეატი. დაჯილდოებული იყო „საპატიო ნიშნის ორდენით“. ღირსების ორდენის კავალერი (1997), ქუთაისის საპატიო მოქალაქე (1997). 2012 წელს მიიღო პრემია „საბა“ ლიტერატურის განვითარებაში შეტანილი განსაკუთრებული წვლილისთვის. დაკრძალულია ქუთაისის მწვანეყვავილას მწერალთა და საზოგადო მოღვაწეთა პანთეონში. როსტომ ჩხეიძე (1.04.1959) - მწერალი, მთარგმნელი, კრიტიკოსი. გიზო თავაძე – ისტორიკოსი, მწერალი, პოეტი. ქუთაისის ილია ჭავჭავაძის საზოგადოების ხელმძღვანელი (1987-1994), საქართველოს დემოგრაფიული საზოგადოების იმერეთის სადროშოს თავმჯდომარე (1990-2000), ქუთაისის თვითმმართველი მერიის კულტურის, სპორტის, ძეგლთა დაცვის და ახალგაზრდულ საქმეთა სამსახურის უფროსი (2009-2011), ქუთისის მოსწავლე-ახალგაზრდობის პარკის დირექტორი (2011-დღემდე).