საქართველოს ეროვნული ბიბლიოთეკა

ყველა ქართველი მხატვრის, ფერმწერისა თუ გრაფიკოსის შემოქმედება, ნიკო ფიროსმანაშვილით დაწყებული თანამედროვე მხატვრებით დამთავრებული - ქართული ფერწერის შედევრების ციფრული ასლები–ახლა უკვე ერთ ვებსივრცეში განთავსდა!

პროექტის მიზანია, აღმოაჩინოს ცნობილი მხატვრების აქამდე უცნობი ნამუშევრები, ასევე ისეთი ტილოების ნეგატივები, რომელთა ორიგინალიც დაკარგულად ითვლება და მათი ციფრული ვერსიები ყველასათვის ხელმისაწვდომი გახადოს.

კოლექციაში დაცულია საქართველოს პარლამენტის ეროვნულ ბიბლიოთეკაში არსებული და სხვადასხვა პროექტის ფარგლებში მოძიებული ტილოების ციფრული ვერსიები.

ყველა კოლექციონერს, მხატვარს, მხატვართა შთამომავალს და კერძო პირს, ვისაც ოჯახებში გაქვთ მხატვრული ტილოები, გთხოვთ, მოგვაწოდოთ მათი ციფრული ფოტოასლები. ერთად შევავსოთ ჩვენი ციფრული არქივი!