გიორგი და ლიდა ნოზაძეები

Abstract

გიორგი ივანეს ძე ნოზაძე - ვიქტორ ნოზაძის უმცროსი ძმა, ემიგრაციაში მცხოვრები ქართველი. საინტერესო წერილებს წერდა ქართული მწერლობისა და ხელოვნების შესახებ. მისი პირველი წერილი ქართული ქალაქების შესახებ დაიბეჭდა 1929 წელს პარიზში გამოსული ჟურნლ „კავკასიონის“ პირველსავე ნომერში. სანამ 1964 წ. გიორგის უფროსი ძმა - ვიქტორ ნოზაძე პარიზში „კავკასიონის“ გამოცემას აღადგენა, გიორგი თავის წერილებს აქვეყნებდა საზღვარგარეთ გამომავალ სხვ ქართულ პერიოდულ გამოცემებში „ერის დიდება“, „ბედი ქართლისა“. ლექსებს მიხეილ ჩუბინიძის ფსევდონიმით წერდა. გიორგი და ლიდა ნოზაძეებს ქართველ მხატვართა (ლადო გუდიაშვილი, დავით კაკაბაძე, ფელიქს ვარლამიშვილი, ვერა ფაღავა, ვანო ენუქიძე) ნამუშევრების ძვირფასი კოლექცია ჰქონდათ. მათი ანდერძის მიხედვით, მათი გარდაცვალების შემდეგ, ეს ნახატები საქართველოს ხელოვნების მუზეუმს გადმოეცა.