რეზო ჭეიშვილის დაბადების დღე ქვიშხეთში

Abstract

რევაზ (რეზო) ბენედიქტეს ძე ჭეიშვილი (24.04.1933-11.09.2015) – მწერალი, დრამატურგი, სცენარისტი , საზოგადო მოღვაწე. წლების განმავლობაში იყო ალმანახ „საუნჯის“ და ჟურნალ „განთიადის“ მთავარი რედაქტორი, ქუთაისის ლადო მესხიშვილის სახელობის სახელმწიფო დრამატული თეატრის ხელმძღვანელი. 1984 წელს ქართულმა ფილმმა მწერლის ნაწარმოების მიხედვით გადაიღო ფილმი „ცისფერი მთები ანუ დაუჯერებელი ამბავი“, რისთვისაც რეზო ჭეიშვილს 1985 წელს სახელმწიფო პრემია მიენიჭა. რუსთაველის პრემიის ლაურეატი. დაჯილდოებული იყო „საპატიო ნიშნის ორდენით“. ღირსების ორდენის კავალერი (1997), ქუთაისის საპატიო მოქალაქე (1997). 2012 წელს მიიღო პრემია „საბა“ ლიტერატურის განვითარებაში შეტანილი განსაკუთრებული წვლილისთვის. დაკრძალულია ქუთაისის მწვანეყვავილას მწერალთა და საზოგადო მოღვაწეთა პანთეონში. გიზო თავაძე (13.01.1959 ჩოხატაურის რაიონი, სოფ. ზემო ხეთი) - ქუთაისის ილია ჭავჭავაძის საზოგადოების ხელმძღვანელი (1987-1994 წწ), საქართველოს დემოგრაფიული საზოგადოების იმერეთის სადროშოს თავმჯდომარე (1990-2000 წწ), ქუთაისის თვითმმართველი მერიის კულტურის, სპორტის, ძეგლთა დაცვის, განათლებისა და ახალგაზრდობის საქმეთა სამსახურების უფროსი (2000-2011 წწ), ქუთაისის მოსწავლე ახალგაზრდობის პარკის დირექტორი (2011 წლიდან) ავთანდილ ყურაშვილი (1943) – მწერალი და საზოგადო მოღვაწე, ქუთაისის საპატიო მოქალაქე, ჟურნალ „განთიადის“ მთავარი რედაქტორი, ეწევა მთარგმნელობით საქმიანობას. აკაკი წერეთლის, გიორგი ლეონიძის, ოთარ ჭილაძის, დავით კლდიაშვილის სახელობის ლიტერატურული პრემიების ლაურეატი. ქუთაისის სახელმწიფო საჯარო ბიბლიოთეკის სამკითხველო დარბაზის გამგე 1969-1974 წლებში. ოთხგზის არჩეული იყო ქუთაისის საქალაქო საბჭოს აღმასკომის დეპუტატად, ღირსების ორდენის კავალერი, ქუთაისის საპატიო მოქალაქე. რიტა წაქაძე (24.10.1963) - istorikosi, ქუთაისის საჯარო ბიბლიოთეკის დირექტორის მოადგილე.